Árgangur ´82 í Hrafnagilsskóla

Takk fyrir síðast!!

Thu, 07 Aug 2008 20:17:24 GMT

Jæja þá er þetta bekkjarmót afstaðið og vonandi var fólk ánægt og skemmti sér vel.

Ég veit að það voru nokkrar áhyggjur framan úr sveitinni okkar þennan dag yfir því að okkur hefði verið leyft að hittast öllum aftur. En þetta fór ótrúlega siðsamlega fram og var okkur hótað aðeins einu sinni að vera vísað á brott!! En það var í keilunni þar sem ákveðnir aðilar voru búnir fá sér örlítið í aðra tána og farnir að kasta full mörgum kúlum í einu á brautina :-)

En dagskráin var þannig að við hittumst á Greifanum, fórum svo í Kjarnaskóg með bjór og snakk, þaðan var farið í keilu og meiri bjór og svo í partý til Ómars í enn meiri bjór. Að lokum fór liðið á Kaffi Ak og að sjálfsögðu til að drekka bjór og dansa rassinn úr buxunum!

En þar sem ég stakk af án þess að kveðja þá sem voru á dansgólfinu vil ég bara þakka ykkur öllum fyrir góða skemmtun og hlakka bara til næsta bekkjarmóts!!

Kv, Ásta

P.s. ég bætti við fleiri myndum í 10 ára reunion albúmið :-)

REUNION! HVAR OG HVENÆR?

Wed, 23 Jul 2008 08:30:09 GMT

Jæja hér koma upplýsingarnar um hvar og hvenær og það allt saman...

Reunionið hefst á því að hittast í pizzuhlaðborð á Greifanum kl. 13:00 til að smala hópnum saman. Það kostar 1.300.- kr á mann fyrir utan drykki.

Síðan er smá skipulögð dagskrá hjá okkur til ca. 20-21. Eftir það er kvöldið opið fyrir að slútta þessu með stæl ef stemningin er góð!

Þar sem það spáir svo góðu veðri á Akureyris um helgina ætlum við að vera aðeins úti við svo stelpur, ég mæli með að mæta ekki eingöngu á pinnahælunum ;) Það er annars engin þörf á sérstökum útbúnaði, klettaklifrið, raftingið og sandspyrnan verður næst þegar við verðum orðin aðeins eldri og þroskaðri til að fara okkur ekki að voða :lol:

Annar kostnaður sem við ætlum að hirða af ykkur er 1.700.- svo hafið amk. 3.000.- kr í þáttökukostnað. Við sjáum öllum fyrir snarli/kvöldmat þarna seinni part dags svo enginn svelti.

Þá held ég að ég sé ekki að gleyma neinu sem ég átti að setja hérna inn varðandi þetta...

Nefni kannski líka að þeir sem vilja geta að sjálfsögðu gripið með sér gamlar myndir, gítar og söngbækur, getto blaster eða what ever til að rífa upp stemninguna...

Þessa hérna töldum við með í planinu en vonumst að sjálfsögðu bara til að sjá sem flest af okkur!

Auðrún
Ásta
Björg
Bóas
Davíð
Dýri
Eiður
Hallgrímur
Kristján
Ómar
Ragnar
Rósa
Skjöldur
Svana
Svava
Tómas
Viðar

Þetta gera 17 manns sem er 68% mæting af bekknum, það hlýtur að teljast gott :haha:

SJÁUMST!!

DAGSKRÁ.... á leiðinni...

Tue, 22 Jul 2008 16:05:43 GMT

Jæja bara að láta ykkur vita að Reunionið er enn á dagskrá sko!! Það vill svo til að hinir nefndarmeðlimirnir eigi sér eitthvað líf sem þeir þurfa að sinna líka svo upplýsingaflæðið hefur dregist aftur úr.

EN þið sem eigið einnig tímafrekt líf og þurfið að plana framm í tímann, reiknið með að hittast um kl. 13:00 Laugardaginn 26.júlí á Akureyri og vera í skralli eitthvað fram eftir degi og mála svo bæinn rauðan um kvöldið!! Ég set þetta hér inn með smá fyrirvara um smávægilega breytingar á tímasetningu.
Nánari staðsetningu á hittingi, dagskrá eða upphæð vasapenings sem strákarnir þurfa að fá frá konunum sínum (eða mömmum þeir sem ekki eiga konur ;-) ) vil ég ekki gefa út fyrir en ég hef fengið grænt ljós á það frá Stjóra (Bubba K)

Þannig að FYLGIST SPENNT MEÐ ÞVÍ ÞETTA ER ALLT AÐ SMELLA!!

Eins sendum við SMS með tímasetningu og staðsetningu hvar við hittumst á alla fljótlega svo það sé allt á hreinu.

Fínasta mæting...

Thu, 26 Jun 2008 22:16:08 GMT

Jæja.. það er um það bil helmingurinn af hópnum búinn að láta vita um mætingu enn sem komið er og hér eru þeir sem ætla að mæta:

Auja
Ásta
Björg
Eiður
Kristján
Ragnar
Rósa
Svana
Svava
Tómas
Viðar

Því miður komast þær Ingunn og Íris ekki.

Þetta eru samt sem áður góð hlutföll og vonandi heyrum við bara frá fleirum sem fyrst!

Ítreka svo bara að hittingurinn er 26.júlí og láta einhvern í nefndinni (Kristján, Auju, Svönu, eða Ástu) vita um mætingu fyrir 29.júní svo hægt sé að skipuleggja í samræmi við fjölda (hvort sem þið ætlið að mæta eða ekki)

Update 29.júní:
Eva Dröfn og Eva Hrönn komast ekki heldur því miður.

Settur dagur!!

Tue, 24 Jun 2008 10:54:54 GMT

Jæja þá er komin dagsetning á 10 ára reunionið okkar og erum við sett
Laugardaginn 26.júlí ;)

Við sendum út SMS á alla með dagsetningunni í dag eða morgun og biðjum ykkur vinsamlegast um að láta nefndina vita fyrir næsta Sunnudag þ.e. 29.júní hvort þið komist þessa helgi eða ekki svo það sé hægt að áætla ca fjöldann og skipuleggja út frá því.

Ef þið fáið ekki SMS um þetta í dag eða morgun þá höfum við líklega ekki rétt símanúmer svo endilega látið okkur vita um það.

Símar og heimilisföng

Wed, 11 Jun 2008 10:50:23 GMT

Halló halló...

Mig vantar bæði gsm og heimilisföng hjá nokkrum sem voru ekki skráðir á ja.is eða að ég hafði úr of mörgum með sama nafni í sama bæjarfélagi að velja :-) Ef einhver lumar á öðru hvoru eða bæði mætti sá hinn sami senda mér það í email á: astahronn@gmail.com eða sms í: 662 3391

Þetta eru þeir sem mig vantar allar upplýsingar um til að hafa samband við:

Eiður
Ragnar
Hallgrímur
Ingi Karl
Davíð
Sandra
Viðar

Eins er spurning hvort það séu einhverjir fleiri gamlir bekkjarfélagar sem skiptu um skóla á tímabilinu 5.-10. bekkur sem við viljum bjóða líka, þá má endilega minna á þá. Ég er með Ingunni, Írisi og Svövu á listanum en ég greinilega er svo góð með mig að ég er farin að gleyma sumu fólkinu sem var með mér í bekk hehehehe ;-)

Eins var ég að spá hvort okkur langaði ekki að bjóða gömlu kennurunum okkar að vera með líka??..............................DJÓK!! :-) Er virkilega enginn af okkur sem endaði á að mennta sig síðan sem grunnskólakennari? Hmmm....why?!

Allt að gerast!

Tue, 10 Jun 2008 22:50:21 GMT

Jæja nú er farin að starfa formleg skipulagsnefnd fyrir hittinginn okkar í sumar :-)
Bætti við linknum hér til hliðar hverjir það eru og kannski bætast einhverjir við.

Ég tók að mér að reyna að hafa uppi á okkur öllum saman og allar upplýsingar um símanúmer og heimilisföng sem ekki fást úr ja.is eru vel þegnar!
Ég er komin með megnið af því og sem betur fer eigum við ekki mörg alnafna og nöfnur!! Það voru nokkrir sem eru ekki skráðir þar og ef heimilisfangið eða símanúmerið sem er skráð hjá ja.is er ekki í notkun þá bið ég ykkur vinsamlegast um að senda mér það rétta í sms, email eða hringja í mig :-)

Kveðja úr góða veðrinu í Reykjavík :-)

Hvað er að ske?

Mon, 09 Jun 2008 12:02:57 GMT

Jæja hvernig gengur í undirbúningi.... er kominn "settur dagur" á okkur :-)

Er í sumarferðaplönunum og væri ekki verra að slá einhverju föstu með reunionið er það ekki og láta alla vita um dagsetninguna? Mér skilst að landsmót hestamanna sé fyrstu helgina í júlí svo það verða líklega einhverjir baukaaðdáendur þar, helgina 12.júlí veit ég um allavega nokkarar af okkur stelpunum sem erum afskaplega uppteknar þann dag. Ég ætla að vera í orlofsíbúð á Akureyris 25.júlí-1.ágúst og verður það síðasta norðurferðin um sinn sökum varptíma. Svo 26.júlí er nýjasti óskadagurinn minn fyrir reunion ;-)

Bætti honum Inga okkar inn á listann og erum við nokkuð að gleyma fleirum??!! :-)

Hlakka til að heyra fréttir af undirbúningi!! :-)

Að ákveða daginn...

Sat, 09 Feb 2008 14:33:20 GMT

Það eru 7 ehemm *hóst* búnir að kjósa í skoðanakönnunnniinnni..(alltof erfitt orð í augnablikinu) og úrslitin virðast ætla að verða afgerandi fylgjandi helginni 4.-6.júlí...Hvað eigum við að leyfa mörgum að taka þátt í lýðræðinu áður en við sláum því föstu? :)

Þá erum við að tala um laugardaginn er það ekki? Sem mun vera 5.júlí... Ef það mótmælir þessu enginn er þá ekki næst á dagskrá að plana hvað á að gera og smella fram hugmyndum?

Ég segi fyrir mig að ég amk. ætla ekki að gera það sama og á síðasta hittingi, þ.e hrynja í það ;) Planið er að vera með bumbuna út í loftið og vagga eins og akfeit stokkönd á milli þess sem ég æfi Lamaze öndunaræfingar :) Því myndi ég hafa gaman af einhverju sem inniheldur fleiri dagskrárliði en drekka af stút :) Seinast var farið í skoðunarferð um gamla skólann okkar, sem ég reyndar missti af, en er áhugi fyrir einhverju svoleiðis?

Jæja hvað dettur ykkur í hug?

Hæ Hó....

Fri, 21 Dec 2007 01:27:20 GMT

Örfáar myndir af okkur á okkar flottasta aldursskeiði komnar inn frá mér... gelgjuárið 7.bekkur!

Er að gramsa í fleiri albúmum svona í jólatiltektinni... svo ég finn mér tíma til að setja inn fleiri á morgun, á milli þess sem ég sinni húsmóðursstörfum og baka jólasmákökurnar...

Njótið vel! :)

Myndir!!!!!!!

Thu, 23 Aug 2007 17:33:11 GMT

Góðan og blessaðan daginn

Nú eru komnar þessar líka fínu myndir af okkur. Fólk verður trúlega misánægt með myndirnar en munið bara að við vorum rosalega töff á þessum tíma :haha:

Vona að fleiri fari að drifa sig í að skanna inn myndir svo við getum dáðst af okkur. Svo bíð ég spennt eftir æviágripinu þinu Ásta.

Bara ég aftur...

Tue, 14 Aug 2007 13:57:25 GMT

Gaman að heyra frá ykkur öllum hérna, bara alltaf fullt af heimsóknum :)

Bætti við þarna til hliðar smá leiðbeiningum um það hvernig maður fær lykilorð og svona á bloggið okkar og hvernig við gerum síðu til að segja frá því hvað við höfum verið að brasa.

Júlí 2008 er greinilega mánuðurinn samkvæmt skoðanakönnuninni... er það ekki bara?

Hvað segiði um að henda inn myndum?!

Fri, 03 Aug 2007 23:01:21 GMT

Jæja hvað segið þið svo í dag?! :)

Ég ætla að taka það fram að ég vinn þessa dagana í um 15 tíma á dag í tölvunni svo það eru hæg heimatökin fyrir mig að vera síblaðrandi hérna inni :) Ég á mér pínulítið meira líf en það að blogga á reunion síðuna okkar og vinna, þó ekki mikið.

Ég var að athuga hvort ég fengi síðuna okkar upp með því að googla´na en gróf í staðinn upp síðu árgangs ´80 svo ég bætti tenglinum inn á. Bætti líka inn sveitinni okkar, ég kem voða lítið þarna núna en tók örstuttan rúnt inn í sveit um daginn þar sem ég var stödd á Akureyris 1 dag.

En svo væri ótrúlega gaman að henda inn gömlum myndum af okkur... er það ekki?!! Misgaman kannski! En ég á því miður engar myndir á digital formi frá okkar grunnskólaárum þar sem við erum of GÖMUL!! Á nú alveg böns í albúmi svo það er aldrei að vita nema ég taki mig til og skanni einhverjar inn.

Later!

Hey guys...

Thu, 02 Aug 2007 03:31:06 GMT

Var að spá...viljiði hafa eingöngu þá sem útskrifuðust með okkur ´98 eða eigum við að bjóða t.d. öllum sem hafa verið með okkur frá því sameiningin varð? Eða frá því í 8.bekk eða eitthvað svoleiðis? Já gott að vera tímanlega í þessu öllu saman :) ... eru allir komnir á nafnalistann? Ef við viljum hafa strokuliðið með líka var ég nefnilega að reyna að rifja þau nöfn upp líka og setja inn.

Setti svo inn líka nöfnin á nokkrum krílum sem ég veit um en enga tengla undir hægt að bæta því bara við ef þið viljið... er að reyna að halda stjórnseminni í mér í lágmarki ;)

En endilega dreifa orðrómnum meira og láta frá sér heyra hérna á síðunni... sendi örugglega einhvern tíman sms til þeirra sem ég finn símann hjá... svona þegar það verður eitthvað leiðinlegt að gera hjá mér í vinnunni :)

En dagsetning já... eigum við að byrja á að ákveða mánuðinn?! ;) Mér datt nú strax í hug svipuð tímasetning og útskriftin var en það er náttúrulega í lok maí og skítakuldi á þessum klaka þá... júní? júlí? ágúst?

Set þetta í nefnd ;)

Nafnalistinn

Tue, 24 Jul 2007 21:56:35 GMT

Jæja... þá er ég byrjuð á nafnalistanum... það má enginn móðgast þó einhver gleymist.. ég er með um 150 pólsk nöfn á minninu vegna vinnunnar svo það er eitthvað farið að detta út í staðinn ;)

Bætið í þið sem viljið :)